《頭部皮膚 你有護理嗎?Part 1》

Charming Beauty - GRIGIO発毛促進劑

話說幾個月前
消委會測試咗市面上60款洗頭水
發現好多大牌子都含有令動物致癌嘅「二噁烷」、「可致敏防腐劑」同「甲醛」
部分仲超標!
嗱~小編以前高考化學科就肥佬嘅
唔識嗰尐水蛇春咁長嘅化學名詞
邊尐致癌唔致癌 其實都有少少道聽途說
不過只係覺得如果榜上有名都即係「非常化學」
仲可以會以動物測試
根本未必係廣告標榜咁天然無添加
大家無論為著自己健康還是保護小動物
都應該避免使用~

Charming Beauty - GRIGIO発毛促進劑

小編當年高考就因為太大壓力
自此頭皮就有尐唔知牛皮癬定濕疹
一直跟到我而家⋯⋯
經常頭皮發痕、脫皮 超級困擾
所以我個頭皮基本上係「敏感原測試區」
大家喺萬X、屈XX搵到標榜甚麼「無矽」、「防敏」、「中藥配方」、「天然有機」嘅洗頭水
基本上我都試晒
而且係冇一款合格
真心做白老鼠試到灰⋯⋯

當然小編都有試過坊間好多小店嘅配方啦
「金盞花」、「紫草根」等等呢一堆草本名稱
如果大家有濕疹或皮膚敏感
都應該會聽過/用過
的確~小店自家制嘅產品係好溫和
可以舒緩一下頭皮/皮膚狀況
唯一一個缺點就係潔力稍弱
夏天就硬係洗兩次都感覺唔係好夠乾淨
加上草本味道太強
小編呢個冇恆心之鬼好快就放棄~

雖然話$$就唔係萬能
但偶爾$$係解決到問題嘅
例如小編而家用緊嘅有機洗髮護髮產品
約$350/50ml
真心幾好用
至少有足夠潔力
又冇太刺激我炎性頭皮
不過就冇治療效果
治標唔治本咁囉~

另外
其實小編正職係做Marketing嘅
壓力都幾大架
忙起上嚟都會甩到屋企會成地頭髮
分界位就特別明顯
好驚條坑嘅白界愈來愈闊⋯
咁有一次瞓底做facial
包頭嘅時候俾Geania睇到我頭皮見到少少肉啦
我咪口痕問佢點算
Geania就介紹咗佢收埋喺床下底嘅「髮寶」俾我試

Charming Beauty - GRIGIO発毛促進劑
原來當年Geania因為被媒體封咗為「銅鑼灣針清王」後壓力大爆炸,
攪到失眠、爆瘡,仲有嚴重脫髮問題!要睇醫生食抗生素,
然後佢就周圍搵product直到搵到呢支product!

一直冇介紹係因為貨源嚟自日本
成本好高
仲有就係普遍香港人 特別係女仕
喺「DERMXX」同「MEDILAXX」廣告瘋狂洗腦嘅情況下
好似傾向重視「脫毛」多過「生髮」

所以一直猶豫入唔入貨
但由於炎性頭皮嘅小編試完
發現佢雖然日本漢字就寫「発毛促進剤」
但事實係頭皮精華液/毛囊精華

加上佢嘅主要成分⋯
係一種有效消炎抗炎、去油脂疏通毛囊嘅植物
對炎性頭皮有治療效果
真係好過係瘋狂搽類固醇
下次再同大家重點介紹成份同效果啦!


博文延讀
• 《頭部皮膚 你有護理嗎?Part 2》

Leave a Reply