#草本treatment真人騷 Part 2

Charming Beauty - 草本靈丹白滑護理

Treatment後第一天的早上

話說尋日小編終於的起心肝豁咗出去
傍晚做咗《草本靈丹白滑護理》
然後歸心似箭返咗屋企休息
做緊treatment上咗個草本藥液上面嘅狀況
大家追返 #草本TREATMENT真人騷 PART 1 就睇得一清二楚啦!

雖然小編我描述到過程好痛好痛好痛
離開Charming Beauty前Geania仲千叮萬囑
叫我忍到嘅話就盡量「滴水不沾」
真係忍唔到先用清水洗面
我心諗⋯痴筋咩⋯咁鬼痛⋯唔洗面⋯
我巴不得一衝出門口就去廁所即刻洗面
但誰不知
搭完一程巴士、返屋企食完個叉燒飯
個刺痛感覺已紅散咗九成(感謝主)
咁既然都唔痛啦⋯
一晚半晚唔洗面咪唔洗面囉
事關做完treatment
藥液停留喺皮膚多幾個鐘
效果會更顯注
為咗靚就姑且be patient多八個鐘啦

習慣側睡嘅小編
當然全晚都保持仰睡啦
但印象中唔小心打側咗幾下都冇痛(又thank god)
現在時間早上9時
剛剛做完post-treatment第一日嘅事後護理
打算同大家分享一下

首先用溫水洗面
用手指輕拭殘留喺皮膚表面嘅草本藥液
(樣太衰唔會post圖)
然後用面紙將多餘水分印乾
之後就做最舒服嘅Step
厚敷圖入面嗰樽「透明質酸補濕gel mask」
聰明仔前一晚放咗佢入雪櫃
雪凍敷 爽到爆 舒緩效果極佳

最後搽上【Neoderma藍血清啫喱
完成!
睇嚟小編嚟緊一星期都係同「草本事後護理孖寶」相依為命架喇~

今次講住咁多先
下次同大家揭開草本藥液嘅廬山真面目
即係小編尋日張相面上嘅「泥沙液」!

Charming Beauty - Neoderma藍血清啫喱
【Neoderma藍血清啫喱

《#草本TREATMENT真人騷》系列博文延讀
#草本treatment真人騷 Part 1
#草本treatment真人騷 Part 3
#草本treatment真人騷 Part 4
#草本treatment真人騷 最終回

5 thoughts on “#草本treatment真人騷 Part 2

Leave a Reply