#草本treatment真人騷 最終回

Charming Beauty - 草本靈丹白滑護理

#復原完畢N世循例報告情況
#長文慎入咁報告係詳細D架啦
#成個iPad都係自拍照想睇請inbox

歡樂嘅時光過得特別快
話咁快小編已經放完大假
兼迅速復工瘋狂OT咗兩個星期
加上公司搬office
之前潛咗水唔好意思呀吓
趁weekend有時間我就快快同大家嚟個事後報告

雖然草本呢個treatment一個完整cycle為3次
每次相隔3-4星期做就最好
小編只係做白老鼠做咗第一次
脫胎換骨效果當然只係未去到最盡啦
所以脫皮情況亦比想像中輕微
主要係下巴同兩邊面頰位置
因為曾經敏感而甩擦子膠碎甩得比較多

好!忍痛過、皮脫過、焦都甩埋好返晒⋯
皮膚究竟有咩明顯改善呢?
痛得值唔值先?
嗱!經小編成個星期 日日瘋狂照鏡、自拍紀錄下
大致上將觀察到嘅狀況分為以下幾點⋯
然後由因改善情況俾星星
5粒星星為最高,愈多星星代表改善情況愈明顯同理想!

1)面油:⭐️⭐️
小編皮膚屬混合性,typical水油平衡錯錯地~T-zone易出油,兩邊面頰較乾,平日就算每朝敷mask之後先化妝呢~一到lunch後個額頭同鼻哥都feel到有層油,然後個粉底就毫不留情的浮⋯⋯做完草本打後一星期,雖然可能因為小編身處台灣,天氣冇咁潮濕嘅原故,面油減少一半有多!就算出入冷氣地方都冇覺得塊面笠痴痴~除咗望落唔會令立立,自己係feel到皮膚爽咗嘅!至少感覺良好啦~

2)暗粒:⭐️⭐️⭐️⭐️
暗粒嘅原兇係油脂,油脂被困表皮下形成油脂粒,亦係暗瘡嘅雛形。小編油脂分泌失衡嘅原因主要係工作壓力,所以暗粒集中生喺額頭位置⋯⋯最乞人憎係某一兩個毛孔嘅暗粒係春風吹又生type!每次做針清,Geania開針挑完、清咗!然後佢又再生出嚟!呢個cycle已經loop咗好多次⋯⋯做完草本,我喺額頭其中一粒好好好頑固嘅暗粒係有發炎嘅,個發炎反應比平日嚴重,有含膿嘅情況~不過只要注重清潔,等個膿瘡自己成熟,然後凋謝脫落就唔需要擔心。因為其實「發炎」係身體開啟自我防衛機制嘅signal,發完炎、個含膿嘅毛孔清乾淨咗,問題自然會改善!而小編好好彩,粒頑固暗粒做完一次就斷咗尾!(跳起yea)

3)毛孔:⭐️⭐️⭐️
小編中學時期油脂分泌簡直錯亂到不行,鼻翼鼻頭勁爆石頭瘡所以有輕微鼻渣鼻,即係毛孔因為發炎後被擴大而未能回復原貌,總之就嚴重大毛孔啦。如果我話做完一次草本個酒渣鼻就收到變零,就一定係作大!咁的確個毛孔仍然篤眼篤鼻嘅,不過新陳代謝產生嘅污垢比之前更容易清出,至少用潔面產品洗完面之後個毛孔已經睇到「空nell nell」。睇嚟做多一兩次,個毛孔好大機會被修飾到唔再顯眼!

4)色斑:⭐️⭐️⭐️⭐️⭐️
嗱~利申~俾5粒星星唔係代表做完一次就會冇晒色斑呀下!俾5粒星星係因為小編覺得草本處理本人色斑嘅問題嘅過程好amazing~話說小編好弱智,右邊面有三粒深到我以為係痣定癦嘅斑,總之幾粒黑色點點啦⋯所以我一直都冇打算處理佢,因為癦嘅嘢,人人都有幾粒架啦!然後由於呢幾粒黑色點點生正喺我右邊面嘅中央,係做全面草本一定會觸及嘅位置~嘩不得了!做完草本,位置最高而又最深色嗰粒斑,損咗變咗紅色(即係塊面有個細細嘅紅色實心圓形),但又冇好似額頭粒暗粒咁含膿發炎,只係損咗,然後結焦~我開頭以為係磨得太勁磨損咗,原來草本係有做嘢嘅!甩焦嗰一秒,我對住個鏡叫咗出嚟~因為我以為粒癦成粒甩咗出嚟!!!然後面上只淨低一個好淡嘅印~雖然我唔知點解得最頂嗰粒有反應,不過三筒變二筒的確係大快人心嘅~哈哈!

最後寫多少少溫馨提示啦
做完草本
由於會脫皮、輕微發炎結焦
所以小編乖乖成個星期冇化妝
淨係做清潔、補濕、防曬
素顏素到不能再素⋯(勇)
原來偶爾同皮膚來一個大「掃」/「素」除
個效果係事半功倍!
當然放假冇壓力都關事啦~
所以大家不妨參考下小編
度個期放個假
假期開始前做草本
令自己身心同塊面都休個大息
我寫包單皮膚一定會有非常正面嘅改善
話唔定會甩出驚喜添!


《#草本TREATMENT真人騷》系列博文延讀
#草本treatment真人騷 Part 1
#草本treatment真人騷 Part 2
#草本treatment真人騷 Part 3
#草本treatment真人騷 Part 4

2 thoughts on “#草本treatment真人騷 最終回

Leave a Reply