《檳城狂補防曬惹的禍》

Charming Beauty - 檳城狂補防曬惹的禍

大家好!我係Geania~
話說我上星期剛剛作了一個小休
飛咗去檳城玩咗幾日
檳城椰林樹影
感恩日日都係大晴天
不過真係好曬好曬
由於本人非常極度超級怕曬同怕出斑
所以不由自主咁狂補防曬
如我所願 捍衛皮膚白哲度成功
我冇曬黑!半度都冇!
只不過狂補防曬都有代價⋯⋯

如果大家心水清
應該認得出相中人係我
而兩張紙巾上面佈滿嘅黑頭同粉刺
就係我去檳城呢個trip嘅戰績
冇錯
只係4日3夜
就儲咗兩大張紙巾嘅黑頭加粉刺
全都係由我面上清出嚟嘅
呢個污垢數量應該係打破咗我個人記錄
原因好簡單
咪就係「狂補防曬」惹的禍囉!

大家唔好誤會
我並唔係叫大家從此唔好搽防曬
紫外線對皮膚嘅傷害絕對不比黑頭粉刺來得輕
只不過我想提提大家
香港上星期已經踏入炎夏
天氣又熱又曬又焗
外在因素已經非常能夠助長黑頭、粉刺同暗瘡嘅形成
加上大家必定會用防曬用品
又或者含有防曬成份嘅粉底/BB、CC霜
毛孔基本上係逃不過被掩蓋、甚至堵塞嘅命運
加上特多嘅汗水同油脂
黑頭、粉刺同暗瘡呢個「夏日三寶」
你話點可能唔係人人有份呢?

之不過
大家只要養成以下良好習慣
就可以減輕夏日三寶對皮膚嘅影響
良好習慣就係:盡快落妝
落妝嘅「妝」唔係單指彩妝
而係包括埋冇顏色嘅防曬

無論係放工返到屋企
還是係放假返resort瞓兩個鐘晏覺
請務必立刻清潔皮膚
目的除咗係清走停留喺皮膚嘅汗水、污垢及油脂之外
就係盡量縮短毛孔被掩蓋嘅時間
另外就係定期幫毛孔做大掃除
做深層清潔、清除角質同疏通毛孔

而我當然係賣花讚花香
希望大家定期嚟Charming Beauty做鑽石磨皮同針清啦
除咗我本人
另外兩位美容師嘅無痛針清技術都非常熟練
你睇我就算自己識做針清
都將塊面交俾佢地就知道係咩一回事啦

希望大家記得我《檳城狂補防曬惹的禍》嘅小分享
記得唔好怕煩或者偷懶呀
如果唔係下一個挑戰我「兩張紙巾的黑頭粉刺」嘅幸運兒就係你㗎喇!

Leave a Reply